فراخ بالريحان وأرز بالكبد

[ندعوك للتسجيل في المنتدى أو التعريف بنفسك لمعاينة هذا الرابط]

فراخ بالريحان وأرز بالكبد



هنعمل فراخ بالريحان ورز بالكبد وسلطة الكرنب الأحمر..

جرّبيها وقولي لنا على رأيك فيها..

فراخ بالريحان

[ندعوك للتسجيل في المنتدى أو التعريف بنفسك لمعاينة هذا الرابط]

المقادير:
• 9 وراك فراخ صغيرة
• 8 ملاعق زيت
• 3 عيدان كرفس
• 1/ 2 كوب دقيق
• 2 بيضة مضروبة
• 1/ 4 ملعقة شطة
• كوب طماطم بيوريه
• 2 ملعقة صغيرة زعتر
• 4 فصوص ثوم مفرومين
• 3/ 4 كوب بقسماط ناعم
• 3/ 4 كوب جبن بارميزان مفروم
• 1/ 2 كوب ريحان مجفف مفروم

الطريقة:
1- أول حاجة سخّني 4 ملاعق زيت في طاسة كبيرة على حرارة متوسطة، وشوّحي الثوم والكرفس لحد ما يدبلوا لمدة 4 دقائق.

2- حطّي الطماطم والزعتر والشطة، وقلّبي الخليط لحد ما يبقى سميك لمدة 10 دقائق.

3- بعد كده حطّي الريحان، وتبّلي الخليط بالملح والفلفل الأسود.

4- اخلطي البقسماط والجبن البارميزان في طبق، وحضّري الدقيق والبيض المضروب المتبّل في أطباق منفصلة.

5- ابدئي حطي الوراك في الدقيق، وبعدين في البيض وبعدين في البقسماط والجبن، وكرري الخطوات دي مع الكمية كلها.

6- سخّني الزيت المتبقي في طاسة على حرارة متوسطة، وشوّحي فيها الفراخ لحد ما لونها يبقى دهبي.

7- رصّي الوراك في صينية، وحطّي عليهم الصوص اللي جهّزتيه.

8- حطّي عليها من فوق جبنة موتزاريلا أو جبنة رومي على حسب رغبتك.

9- دخّلي الصينية في الفرن لمدة 10 دقائق لحد ما الجبنة تسيح، وبعد كده رصّي الوراك في طبق التقديم، وقدّميها.. وبالهنا والشفا.

*******************


أرز بالكبد

[ندعوك للتسجيل في المنتدى أو التعريف بنفسك لمعاينة هذا الرابط]

المقادير:
• 1 1/ 2 كوب أرز بسمتي
• ملعقة صغيرة بهارات
• 1/ 2 ثمرة فلفل أخضر
• 3 ملاعق كبيرة زيت
• 1/ 2 كوب كبدة فراخ مقطّعة لقطع صغيرة
• 2 كوب شوربة فراخ
• 1/ 2 ثمرة بصل
• 2 عود كرفس
• كوب ميه

الطريقة:
1- اسلقي الرز في كوب ونص ميه وكوب شوربة مغليين، وسيبي الرز لحد ما يستوي.

2- بعد ما الرز يستوي، ارفعيه من على النار وسيبيه يهدى لمدة 5 دقائق وبعدين حطّي عليه ملعقة زيت أو زبدة، وقلّبيه وسيبيه يبرد.

3- في أثناء ما الرز بيستوي، هاتي طاسة كبيرة أو حلة، وسخّني فيها ملعقتين زيت، وشوّحي فيه البصل والكرفس والفلفل لحد ما لونهم يبقى غامق شوية.

4- بعد كده حطّي عليهم قطع الكبدة، وسيبيها تتشوّح على النار لمدة 7 دقائق.

5- حطّي كوب الشوربة المتبقي، وحطّي البهارات وعَلّي النار، وخلّي الشوربة تغلي لحد ما الكبدة تستوي.

6- حطّي الأرز اللي جهزتيه، وقلّبي الخليط ولو لسه فيه شوربة زيادة ممكن تتخلصي منها، وبعد كده اغرفي الرز في الأطباق وقدّميه.. وبالهنا والشفا.

*******************

سلطة الكرنب الأحمر

[ندعوك للتسجيل في المنتدى أو التعريف بنفسك لمعاينة هذا الرابط]

المقادير:
• ثمرة كرنب أحمر
• 1/ 2 كوب زيت زيتون
• 1/ 2 ملعقة كبيرة مسطردة
• 3 فصوص ثوم مفرومين
• 1/ 4 كوب خل بلسمك أو عادي
• ملح وفلفل
• جبن بارميزان للتزيين

الطريقة:
1- اخلطي الثوم والملح والفلفل الأسود والمسطردة والخل في الخلاط مع بعض.

2- ضيفي زيت الزيتون تدريجيا على الخليط وهو بيتضرب في الخلاط.

3- قطّعي الكرنب أربعة أرباع وادهني كل ربع بزيت الزيتون.

4- رشّي عليهم ملح وبعدين شوّحيهم في طاسة أو شواية على نار عالية، وماتخلّيهاش تغمق أوي.

5- حطّيهم في طبق وقطّعيهم من جوا قطع صغيرة، وبعد كده حطّي عليهم التتبيلة اللي جهّزتيها.


وبالف هنا


[ندعوك للتسجيل في المنتدى أو التعريف بنفسك لمعاينة هذا الرابط]